كيف تجيب فلوس

Bushra a 11 فبراير، 2021
كيف تجيب فلوس

كيف تجيب فلوس وإنت ما عندك أي فلوس ؟

  • الدخل السلبي أو ال passive income هو طريقة من طرق إنك تجيب فلوس، وهو طريقة مختلفة شوي تتطلب مهارات مختلفة و جديدة.

هنا في هذا المقال كل شي تحتاج تعرفه عن هذا الموضوع مع خطة بسيطة تساعدك تجيب فلوس.

  • إيش هو الدخل السلبي ؟

  1. هو الدخل اللي تحط فيه استثمار و يبدأ يجيب لك عائد بشكل مستمر بدون جهد إضافي منك غير للصيانات و التعديلات البسيطة..
    الاستثمار دا اللي في البداية ممكن يكون -فلوس زي لما تشتري شقة و تأجرها.
  2. أو -جهد و وقت زي إنك تعمل كتاب مثلا و تبيعه عدد كبير من المرات،
    طيب بما إنه ما عندك فلوس فالحل هو إنك تستثمر جهدك و وقتك في بناء أشياء تقدر تبيعها عدد لا محدود من المرات
    بدون ما تحتاج تدخل في كل عملية بيع.
  • إيش ممكن تكون دي الأشياء طيب؟

  1. منتجات رقمية: زي الكتب و الملفات و الأدوات الرقمية اللي أقدر أدفع لك فلوس عليها و توصلني على الإيميل و أحملها و أستخدمها،
    بكدا مافي تكاليف تصنيع أو استيراد أو شحن.
    و العملية دي فيه كتير مواقع تقدر إنها تساعدك تبيع دي المنتجات و بمجرد ما العميل يدفع تترسل له تلقائيا زي دورات أون لاين،
    يعني إنك تسجّل الدورة كفيديوهات أو صوت و تجهّز كل الملفات التابعة لدي الدورة و كل الملحقات تبعها و تحطها جاهزة للشراء،
    بحيث يجي العميل يشتريها و يحضرها بدون ما تحتاج تشتري أدوات و تستأجر مكان و يروح وقتك بكل دورة.
  2. اليوتيوب- البودكاست حتعمل أشياء و تتعب عليها وإنت بتعملها و بعد كدا بس ترفعها فيه اكتر من طريقة ممكن تكسب فيها:
    الإعلانات اللي من المنصات أو السبونسرز و ممكن تعتبره كاستثمار مستمر لأنه اسمك بيكبر و دا حيجيب لك فرص جديدة
    تقدر تجيب منها فلوس وأكواد الخصم.
    تقدر إنك تاخد كود خصم من المواقع و كل أحد يستخدمه عن طريقك تاخد إنت فلوس عليها،
    وتحتاج تكون مختلف و تحتاج كمان إنك تجيب أكواد خصم لشي إنت حياتك تدور حوليه و جربته.
    لا ترمي أكواد خصم في تويتر و تعليقات الانستجرام دي حركة سيئة

ملاحظات مهمّة: دي الأشياء تحتاج استمرارية بدون كلل أو ملل.

مافي نتيجة حتطلع من أول شي حتعمله لازم تعمله عشرة عشرين مرة عبال ما تشوف نتيجة مالية تطوّر مع الأيام،
تحتاج إنك تتعلّم بنفسك كل المهارات اللي لازمة للشي اللي اخترته.

خطوات عليك القيام بها للنجاح:

  1. اليوتيوب مصدر ممتاز للتعلم “تقدر إنك تعمل مجموعة من دي الأشياء مع بعض عشان تنوّع مصدر دخلك،
    وتحتاج تستثمر وجودك على السوشال ميديا و تبني وجود من خلاله تقدر تبيع الأشياء دي.
  2. الناس تحب الشخص المفيد اللي يساعدها و يعلمها بدون ما يكون بيتفلسف بأشياء غير واقعية،
    الخطوة الاولى قلم و ورقة يا ابني و أكتب:
    -إنت إيش تبغى تكون؟  -إيش هدفك؟  -إيش ستايلك؟  -ما هو الشيء اللي تظن إنه الناس يحتاجوه؟
    -إيش الشي اللي إنت تقدر تساعد الناس فيه و ممكن يدفعوا لك عليه فلوس؟
  3. ثم بالخطوة الثانية تبدأ تصنع محتوى مجاني على تويتر و إنستجرام و يكون مرتب مو صور ملطشة من جوجل مالها أي علاقة ببعض،
    غذي ذائقتك الجمالية من تطبيق pinterest
    -خليك متعاون و ساعد الناس و عرفهم إنه إنت الفنان بدا المجال.
  4. اشتغل على دا المنوال شهرين ثلاثة متواصلة باستمرار، وقتها حتلاحظ إنه صار عندك قاعدة متابعين ممتازة،
    الخطوة الثالثة:
    كما انك تقدر كل فترة تختبر و تحط واحد منتج من منتجاتك و تشوف ردة الفعل عليه إذا تحمسك إنك تحط كمان منتج أو لا لسه تحتاج تشتغل كمان على وجودك على السوشال ميديا.