هذا المقال يعلّمك كيف تصير غني وإيش المهارات الحياتية اللي تحتاجها عشان تبني ثروتك.
وإيش نوع البزنس اللي لازم تعمله عشان تصير غني.???
الغنى: هو إنك يكون عندك ممتلكات تجيبلك فلوس وإنت نايم.
الفلوس: هي الطريقة اللي بنحوّل فيها الوقت و الغنى.
المكانة: هي مكانتك وسط المجتمع.
بناء الثروة الأخلاقية هو أمر ممكن بس إذا ما كنت تحتقر الفلوس في سرّك و تقول الشركات نصابين و الفلوس وسخ الدنيا.
طنّش الناس اللي بيدوروا على مكانة دائما بدون ما يعملوا شي أو بس بيكتسبوها من كونهم بيحاربوا الناس اللي تجيب فلوس.
ما حتصير غني و إنت بتبيع وقتك الخاص… لازم تمتلك حصة من بزنس عشان تكسب حرّيتك المالية.
حتصير غني لما تدّي المجتمع الشي اللي يبغاه بس ما يعرف كيف يحصل عليه.
كمية الناس اللي بتعاني من المشكلة = حجم قد إيش حيكبر البزنس.
الإنترنت مليان مهن و مجالات وفرص مختلفة وكتيرة لسه الناس ما اكتشفوها.
يجيك العميل فيها عدة مرات و دائما يحتاج خدمتك أو منتج مو مرة وحدة في حياته.
كل الناس الأغنياء عملوا تروس كبيرة وصغيرة وبنوا شبكة علاقات ضحمة عشان تصير ثروتهم.
التركيبة بين العلاقات و الفلوس تعمل ثروة.
لا تتشارك مع المتهكمين و اللي يتريقوا و المتشائمين, دول بيتغذوا على السلبية اللي إنت حتخسر بسببها.
أتعلم تبني وتبيع المنتجات و الخدمات.إذا تعرف تعمل الاتنين مافي شي في الحياة حيقدر يوقّفك.
المعرفة المخصصة هي المعلومات اللي ما في أحد يقدر يعلمك هي.إذا فيه أحد يقدر يعلمك هي معناها يقدر يعلمها لأحد تاني وبالتالي حتفقد إنت ميزتك إنك تعرفها.
المعرفة المخصصة تنخلق عن طريق شغفك و جريك و فضولك حول مواضيع إنت تحبها و فنان فيها… لا تركب موجات بس عشانها تريند و شكلها واو.
بناء كنزك من المعرفة المخصصة حيكون شكله للناس كأنه شغل بس بالنسبة لك شي ممتع و رهيب كأنه لعب.
المعرفة المخصصة ما يعلموها في الجامعات و لا المدارس… دي تنبني من تجاربك و خبراتك و تدربك المباشر في المجالات اللي تبغاها.
وتكون المعرفة المخصصة غالبا إبداعية أو تقنية ما ينفع إنك تخلي احد تاني يعملها بدالك أو تنعمل آليا بدون تدخّلك.
غامر و خد مسؤوليات و تحمّل المخاطر, الناس أول ما حيشوفوك قد كدا مسؤول حيبدؤوا يدوك فلوس و يخلوك بمكانة أعلى.
أكتر الأشخاص المسؤولين لديهم علامات تجارية خاصة فيهم مغامرة و مبنية حولهم زي اوبرا و إييلون ماسك.
و نفوذ البزنس و سيطرته يجي من رأس المال و الناس و المنتجات اللي قابلة للتكرار بدون تكاليف مرتفعة.
عشان تجيب رأس مال لازم تطبّق معرفتك المخصصة بمسؤولية و تخلي الناس تشوف النتائج الجيدة وإنت تحكم على دي النتائج بطريقة عادلة و فيها مخ.
رأس المال و العمّال دي أشياء لازم أحد يديك هي. بينما الميديا و البرمجة هي أشياء عندك بدون إذن أحد.
كل الناس الأغنياء الجدد عملوا كدا …تقدر تصمم أو تبرمج شي يجيب لك فلوس و إنت نايم.
إذا ما تعرف تبرمج تقدر تسجل بودكاست أو تصور فيديوهات أو تكتب كتب.مافي شي في الحياة اسمه حأتعلم بزنس..
اللي يقلك حعلمك بزنس قله مع السلامة. سواء كان جامعة أو كورس أو حتى مقالات و مجلات و كتب.
التعلم بالقراءة أسرع من السمع.والتعلّم بإنك تجرب بنفسك أسرع بكتير من إنك تتفرج بس.إتعلم بالتجربة دائما.
إنت لازم تكون مرة مشغول إنك تعمل قهوة قبل ما تخلص كل مهامك حق كل يوم.
حل مشكلة بساعة في اليوم أسهل بكتير من حل مشكلة صارت معقدة و اتراكمت عبر الأيام.
أشتغل بكل قوتك و قلبك. و انتبه إنت بتشتغل مع مين و بتشتغل على إيش مررررررة مهم
خليك أرهب واحد في الحياة في الشي اللي إنت بتعمله, كل يوم عدل و طور من نفسك ولا تركن و تستسلم لمكان معين.
حيسبقوك كتيير.مافي شي اسمه حتصير غني بسرعة في العالم ..
اللي يقلك كدا دا نصاب.
لما حتصير غني حتكتشف إنه الطريق اتحوّل مليون مرة من أول يوم بدأت فيه إلى اليوم اللي صرت فيه غني.
