دائماً يجيني هالسؤال:”كيف أسوي تطبيق/مشروع ينجح مثل التطبيقات المشهورة؟”.
سأسرد هنا أهم النقاط لذلك:
ما هي نقطة التحول التي لو تعديتها راح تعتبر مشروعك/تطبيقك ناجح.
أنك تطلقه للناس؟أنك تحصل ألف مستخدم؟ مليون مستخدم؟ أكثر؟أنك تحصل ألف ريال؟ مليون ريال؟ أكثر؟اذا ما تقدر تجاوب هذا السؤال، فأنت لست جاهز للعمل على مشروعك.
ولا تغتر بالشواذ والنوادر مثل واتسب وانستجرام وسنابشات.
مثال:لو عندك ١٠٠٠ عميل، كل واحد منهم يدفع لك ١٠٠ ريال شهرياً، هذه مائة ألف ريال شهرياً.هل هذا مقياس نجاح مناسب لك؟ واقعي؟ هل هناك هذا العدد من العملاء لمشروعك؟
ولا تنسى إن العالم فيه ٧ مليار شخص، وهذا يعني أن غالباً فكرتك ما هي جديدة وفيه أحد سواها قبلك.لكن هذا لا يعني أن الأفكار القديمة لا تنجح، إلا بالعكس، ربما تكون فرصة نجاحها أكثر.
كم تطبيق توصيل طلبات تعرف؟
وكم تطبيق مشاوير؟
وكم متجر إلكتروني؟ لعبة بلوت؟
السوق ليس صندوق مقفل، إنما مليء بمعلومات ثرية، تعلم منه، و حاول تتخطى الأخطاء اللي ارتكبوها المشاريع اللي قبلك.ادرس السوق، تمعن بالأرقام، و لاحظ سلوكيات الناس، واسألهم، ابحث عن الإحصائيات، اقرأ الكتب، كذلك راقب المشاريع الشبيهة لمشروعك عن كثب.
لو كان لديك صيت اجتماعي، فهذا كفيل بدفعة تسويقية لمشروعك القادم. إذا لا تملك هذا الشيء، استثمر فيه.كيف؟قط وجهك في كل المحافل اللي لها علاقة بمشروعك (بأدب ولباقة)، واصنع علاقات جيدة مع منافسيك ومع من تتطلع إليهم،كما يجب عليك أن لا تستحي… لأن رائد الأعمال اللي يستحي ما ينجح…
تبي تفشل، اطلق مشروعك لوحدك.دور لك عن شريك يكملك، لا تزعل لو ردك أحد، لأنه غالباً مشغول، أو أن عرضك ما كان مغري (مجرد فكرة).
إذا كل اللي عندك مجرد فكرة.. بقول لك وقف من الحين… روح تعلم كيف تسوي نموذج أولي، جهز خطتك وبعدين كمل السلسلة.الفكرة لا تساوي شيء دون تنفيذ.أغلب الأشياء اللي تستخدمها في حياتك ما هي إلا أفكار قديمة، بتنفيذ جديد وأفضل.وبعد ما تسوي نموذج، دور شريك، الحين ممكن يقتنع.
لو كنت خايف تستثمر وقتك تتعلم، أو تستثمر فلوسك في صناعة المننتج، كيف تتوقع من شريكك، أو مستثمر، أو أي أحد ثاني يستثمر وقته وفلوسه فيك، محد بيعطيك وجه لو ما عطيت نفسك وجه.
هناك مقولة لمؤسس لينكد إن مفادها:”إذا لم تكن محرجا من النسخة الأولى من المنتج الخاص بك ، فاعلم أنك تأخرت جداً في إطلاقه” — ريد هوفمان
وش الميزة اللي تخلي الناس تستخدم تطبيقك/خدمتك وما تستخدم شي ثاني؟ليش من الضروري أن يكون هذا الشيء عميق جداً..
.فعلى سبيل المثال، ما كان يميز واتسب منذ بدايته أنه نظير ١٠٠٪ لتطبيق SMS اللي مع الجوال، ويشتغل برقم جوالك فقط!
حاول أن تحسن من خدمتك أو تطبيقك بشكل مستمر وعلى فترات قصيرة. إذ أن التطوير المستمر على خصائص صغيرة وإطلاقها واختبار أداؤها أفضل من أن تعمل على خصائص كبيرة وكثيرة لفترة طويلة دون تجربتها في السوق.
فهم شركاء نجاحك.إذا لم تفهم كيف ترضيهم، فاسألهم..ثم اجعل هدفك دائماً أن تصمم منتج يتمحور حول مستخدمي خدمتك، وتسهيل حياتهم، إذا كنت لا تهدف لفعل ذلك.. فقد فشلت قبل أن تبدأ.
