كيف اسوق لمشروعي

كيف اسوّق مشروعي؟

سؤال كثير من أصحاب المشاريع الناشئة يبحث عن إجابته وفي هذا المقال

بأذكر بعض الخطوات والنصائح اللي تساعدك في تسويق مشروعك:

1.دائماً ابدأ برسم خطة وتحديد أهداف،

مثل ما عندك أهداف بالربح أو التوسّع ضروري يكون عندك أهداف تسويقية وخطة تسويقية عشان تعرف الطريق اللي مشروعك ماشي فيه.

2.تقدر تجهز خطة وأهداف بنفسك أو تستعين بشخص أو شركة مختصة تساعدك بوضع خطة احترافية ومدروسة للفترة القادمة..

3.ادرس السوق بطريقة صحيحة

4.ابدأ بتجربة الطرق المتاحة لك بناءً على الخطة والأهداف

و(الميزانية المتاحة لك) وضروري وقت تحديد الأهداف ووضع الخطة تكون عارف قدراتك المالية وميزانيتك التسويقية..

5.ميزانيتك التسويقية ضروري تتناسب مع الأهداف وتتماشى معها، على سبيل المثال لو هدفك هو زيادة المتابعين ١٠٠ متابع بيختلف عن ١٠ الاف متابع او ٥٠ الف متابع..

وإذا كان أحد الأهداف أو المخططات هو حملة تسويقية بتأثير كبير ومشاهدات مليونية ضروري تكون ميزانيتك تسمح بتجهيز وترويج هذه الحملة..

ولذلك الأفضل انّك تبدأ بتجربة كل الطرق والمنصات بميزانيات بسيطة تقيس وتحلل اثر كل طريقة على حدى وتختار الافضل بينهم حسب النتائج،

وممكن تكون التجربة على فترات وبطرق مختلفة فتكون مثلاً حملة ترويجية على فيديو والتجربة الثانية تكون لتصميم ثابت ومرة بالايميل..

6.معرفتك لأفضل طريقة تعتمد بشكل كبير على التجربة وتحليل النتائج وفهمها والتنويع بين الطرق عشان توصل للخطة المناسبة لمشروعك..وضروري التركيز والتقييم ما يكون فقط على تأثير الطريقة على المبيعات وزيادتها بل يكون خلق الولاء وتكوين قاعدة جماهيرية للمشروع شيء أساسي في خطتك..

7.في النهاية تسويق مشروعك يتطلب منك تجربة ومجهود وصبر ودراسة وتحليل وخلال كل هذا ضروري تتفهم أهمية التسويق وارتباطه بنمو وتطور المشروع وخلق صورة ذهنية مميزة عنه.